Барлаушы: бейнежазба
Абай атындағы кітапхана қызметкерлері 2015 жылдың 28 сәуірінде Жеңістің 70 жылдығына және ««Туған өлкенің тарихы мен жетістіктері» жобасы аясында Ұлы Отан соғысының ардагері Гончаров Виктор Васильевичке барып, соғыс ардагерінің естеліктерін бейнежазбаға түсіріп қайтты. 1927 жылы дүниеге келген ардагер Смоленск облысы, Кошевичи ауылының тумасы екен.
Соғыс басталған уақытта небәрі 14 жастағы жасөспірім бала партизан отрядына ерікті түрде барып, әскери барлаушы бөліміне жіберіледі, ондағы міндет бір топ барлаушылар жау шебіндегі мәліметтерді жеткізіп отырған.
Гончаров Виктор Васильевич немістер басып алған территорияларға тыңшылыққа 2 жылдай уақытқа жіберілген. Жеңіс күнін Шығыс Пруссия мен Кенигсберг қаласында қарсы алады.
Соғыс аяқталысымен Воронеж қаласындағы офицерлік курстан арнаулы стажировкадан өткен Виктор Васильевич 1956 жылдарға дейін Семей ядролық полигонында қызметте болған. Кейіннен, Семей қалалық әскери комиссариатта құпия әскери бөлім басшысы қызметін атқарып, 1964 жылдан Семей облыстық атқару комитетінде әскери-мобилизациялық дайындық бөлімінде басшылық еткенін баяндады. Гончаров Виктор бірнеше медальдармен, ордандермен марапатталған. Соғыс ардагері сөзінің соңында кейінгі ұрпаққа бейбіт өмір мен жарқын болашақ тіледі.