Ұлы Жеңіс бейнелеу өнерінде: балалар сурет сайысы

6 мамыр күні сағат 10.00-де Абай атындағы кітапханада Ұлы Жеңістің 70 жылдығына орай «Ұлы Жеңіс бейнелеу өнерінде» атты балалар сурет сайысы өтті.

Іс-шара оқырмандарға соғыста қаза тапқан аталарымыздың каһармандығын дәріптеу, ерлікке тағзым ету мақсатында ұйымдастырылды және жастарға отаншылдық рухта тәрбие беру, соғыстың себеп-салдары мен зардабы және тарихы жайында ақпараттар беруге бағытталған. Біздің аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жастары үшін мақтан тұтарлық үлгі ғана емес, бұл – бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары адамгершілік негізі.

Жас суретшілер өздерінің гуашпен, қарындаш және акварельмен салған жұмыстарында Ұлы Отан соғысымен байланысты сезімдері мен білімдерін ашып көрсетті. Байқаудың қортындысы бойынша үздік суреттерге орындар тағайындалып, баға берілді.

Шығармашылық сайысқа 7-18 жас аралығындағы №26, №18 жылпы білім беретін мектептің оқушылары, №8 жанұялық типтегі балалар үйінің тәрбиеленушілері және колледж студентері қатысты.

Әділ қазылар алқасының  шешімі бойынша сайыскерлер жас айырмашылықтарына қарай 2 санатқа бөлінді. Жалпы көрмеге 83 туынды қойылды. Сайыс қорытындысы бойынша жеңімпаздар  I, II, III  дәрежелі дипломдармен марапатталып, сыйлықтар табыс етілді. Іс-шара соңында «Ұлы Жеңіс – ұрпаққа ұлағат» атты кітап көрмесіне шолу жасалды.