Балалық шақтың мерекесі: фестиваль

1 маусым күні балаларды қорғау күніне арналған «Исток» қоғамдық бірлестігімен бірлестіп мүмкіндігі шектеулі балаларға арналған фестиваль ұйымдастырылды.

Мерекеде балаларға арналған «мерекеде қандай ойындар ойналады?», «ертегілер кейіпкерлері», «достар бәрге ән шырқайық» ойындары ойнатылып, жұмбақтар жасырылып, балалардың өздерінің қолынан шыққан бұйымдардан құралған «Шебер қолдар» тақырыбында көрме ұйымдастырылды.

Мерекеге арнайы Астана қаласындағы «Қарақат Әбділдинаның» музыка мектебінің оқушысы Қажығалиева Мадинаның орындауында «Мы вместе», «Алтын бесік» әндері және 2015 жылы Санкт-Петербург қаласында өткен «Россия дауысы» халықаралық конкурсының лауреаты, Дубайда өткен халықаралық «Робин гуд» фестивалінің 1 дәрежедегі лауреаты, «Айгөлек» республикалық конкурсының лауреаты және Астана қаласындағы «Темір жол балғын аруы» республикалық конкурсының гран при жүлдегері, қаламыздың № 9 мектебінің оқушысы Алтынай Сахариеваның орындауындағы ағылшын тілінде «Балалық шақ», «Земля моя» әндерін мерекеге келген балалар тамсана тыңдады. Шара соңында балалрға базарлық таратылып, караокемен ән орындауларына мүмкіндік берілді.