Қазақстанның өркендеуі – Астананың өрлеуі: кинозал
2015 жылдың 1 шілдесінде кітапхананың оқырмандарға қызмет көрсету бөлімі «Қазақстанның өркендеуі – Астананың өрлеуі» тақырыбында, елорда күніне орай, кітапхана пайдаланушыларына арнап, кинозал ұйымдастырды. Шара барысында «Евразия жұлдызы» атты деректі фильм көрсетілді.
Фильмді көру арқылы көрермен бас қаланың бой көтерген ғимараттары мен нысандарын тамашалады. Оны жасаған сәулетшілермен танысты. Астананың сән-сәулеті барша халықтың көз алдында дамып келеді. Бұл орайда Елбасы Нұрсұлтан Назарбаевтың ой-қиялынан туындап, бүкіл әлемге әйгіленген «Бәйтерек» сынды символы, әйгілі сәулетші Питер Фостер салған «Бейбітшілік пен келісім сарайы», әкімшілік ғимараттары, керемет сәулет туындыларының санатында «Хан Шатырдың» да орны ерекше екенін атап айтуға болады. Сонымен қатар, кітапхана пайдаланушылары «Қазақстанның өркендеуі – Астананың өрлеуі» атты кітап көрмесі және слайд көрсетілімімен танысты.