Туған күніңмен, Америка: пікірталқы

2015 жылдың 4 шілдесінде Абай атындағы кітапхананың шетел әдебиеттері бөлімінде Американың тәуелсіздік күніне арналған «Туған күніңмен,Америка !» атты пікірталқы өтті.

Бұл пікірталқыға кітапхана қызметкерлері қатысты. Пікірталқы қатысушыларына : Тәуелсіздік деген не? Оны қалай түсінесіз? Азаматтардың қандай құқықтарын білесіз? Тәуелсіздік деген ұғым қайдан шыққан?-деген сұрақтар қойылды. Қатысушылар өз ойларын ортаға салды.Сонымен қатар пікірталқы барысында қатысушылар Декларация мәтінімен, осы мерекеге байланысты әр түрлі басылымдармен танысты.

1776 жылдың 4 шілдесінде Филодельфия қаласында он үш штат өкілдерінің қатысуымен Америка ның тәуелсіздік алганы жөнінде декларация қабылданды. Бұл күн Американың туған күні болып есептеледі.Декларацияны жасауда Бенджамин Франклин, Томас Джефферсон, Роджер Шерман, Джон Адамс және Роберт Ливингстон үлкен үлес қосты.

Декларацияның түпнұсқасы осы күнге дейін сақталған, Американың мүлігі ретінде саналады және өте қатаң түрде қорғалады. Бүгінде оны көргісі келетін әрбір адам барып көре алады, ол АҚШ- тың ұлттық мұражайында тұр. Бұл тарихи декларацияның негізі- әлемдегі демократиялық елдердің конституцияларына кірді, оның ішінде Қазақстанның Конституциясына да.
Пікірталастың белсенді қатысушылары сыйлықтарға ие болды.