Халықаралық жастар күні: ақпараттық сағат
2015 жылдың 26 тамыз күні кітапхана қызметкерлері № 8 балалар үйінің тәрбиеленушілеріне Халықаралық жастар күніне орай ақпараттық сағат ұйымдастырды.
Шара барысында балалар мереке тарихымен кеңінен танысып, қазіргі жастардың әлеуметтік және құқықтық деңгейлеріне мән беріп, жастардың алдында тұрған өзекті мәселелердің шешімдерін табуға тырысты. Қатысушыларға арнайы дайындалған «Қазіргі қоғамдағы жастар» атты слайд-көрсетілім тыңдармандарды ерекше қызықтырды. Шара соңында балаларға жастық шақ, балалық шақ, қартайған шақ туралы дәйексөздер таратылды. Қатысушылар өз ойларын ортаға салды. Белсене қатысқан балаларға сыйлықтар берілді.