Қазақ мәдениеті және ислам құндылықтары: дін саласындағы әдебиеттердің тұсаукесері

Абай атындағы кітапхана қызметкерлері 2015 жылдың 9 қыркүйегі күні Қазақ инновациялық гуманитарлық- заң университетінің және көлік колледжінің студенттеріне елдің дәстүрлері мен мәдени нормаларына сәйкес келетін діни сана қалыптастыру мақсатында дін саласындағы әдебиеттердің тұсаукесерін ұйымдастырды.

Кітапханашы Ислам экстремизм мен лаңкестікке қарсы.-2011ж; Әлібаева Ш. Хадис- ғұрыпымыз, сүннет салтымыз.-2009ж; Алымуддинұлы А. Уважение к родителям.-2014г; Әділбаев А., Әділбаева Ш. Әбу Ханифа және Ханафи Мәзһабы.-2012ж; Оңғаров Е. Қазақ мәдениеті және ислам құндылықтары.-2013ж. кітаптарына шолу жасап, жастарды тәрбиелеуге, тәні мен жаны сау және рухани бай жастар ортасын қалыптастыру үшін қолайлы жағдайлар жасауға ерекше көңіл бөлу маңыздылығына тоқталады.

Мәдени шараға Семей қалалық қос мұнарлы орталық мешіттің наип-имамы Бекзат қажы Боранбайұлы қатысып, жастардың діни білімдерін толықтырып, бағыт-бағдар беріп, діни ағымдардан сақ болуға шақырып, қазақ халқының діни ұстанымы мен салт – дәстүрлері жан – жақты талқыланды.