Тарихи жанрдың тарланбозы: оқырман марафоны

2015 жылдың 1 қазанында кітапхананың оқу залында Ілияс Есенберлиннің «Көшпенділер» трилогиясы бойынша оқырман марафоны ұйымдастырылды.

Бұл шара кітапханамыздың республикалық «Бір ел – бір кітап» акциясына қолдау жасау және тарланбоз жазушының 100 жылдық мерейтойын атап өту мақсатын көздеді.

Тарихи жанр шебері І.Есенберлиннің туындысын дауыстап оқу формасында өткен марафон шарасы сағат 11:00 басталып, 13:00 –ге дейін жалғасты. Кітаптың бірінші томын қаламызға белгілі Шәкәрім ат. СМУ профессоры А.С.Еспембетов, ішкі саясат бөлімі бастығы А.Садырбаев, медицина университеті ұстаздары К.А.Шокбатар және Г.Ж.Базарбеков, сонымен қатар, өлкетанушы П.Жуков, «Нұротан» партиясы мектебінің басшысы А.К.Самаев, публицист ақын К.А.Байгужинов және Әуезов атындағы педагогика колледжінің студенті А.Сейтказина, басқа да зиялы қауым өкілдері оқыды.

Шараны кітап көрмесі толықтырып, І.Есенберлиннің өнегелі өмірі жайлы ақпарат беретін бүктемелермен бетбелгілер шараға қатысушыларға таратылды. Оқырман марафонын кітапхана пайдаланушыларына көрсету үшін видеоролик жасау ұйғарылды.