Өсер елдің қарты қазына болар: кітап көрмесіне шолу

1 қазан күні кітапханада «Өсер елдің қарты қазына болар» тақырыбында Халықаралық қарттар күніне орай кең көлемді кітап көрмесі ұйымдастырылды.

Көрмеге жастардың бойындағы адамгершілік қасиеттері, мейірімділікті, қайырымдылықты, қамқорлықты, кішіпейілділікті дамытуға бағытталған «Дін мен дәстүр»; Ә. Табылдиевтың «Тәрбие өрнектері», «Тәрбие тағлымы», «Қазақ халқының салт дәстүрлері», «Мақал- мәтелдер» және т.б әдебиеттер мен мерзімді басылымдар қойылды. Шара барысында кітапханашы көрмеге шолу жасап, қазақ халқының көнеден бері, қарияларын асыл қазынаға теңеп, қадір тұтқанын айтып, қариялар жайлы даналық ұғымдар, мақал-мәтелдер, нақыл сөздер туралы блиц-сұрақ ұйымдастырды. Шараға М.Әуезов атындағы педагогикалық колледждің студенттері қатысты.