Біз шахмат ойнаймыз: клуб тұсаукесері
Шахмат ойынының әуесқойларына жағымды жаңалық! Абай атындағы кітапхана шахмат ойынына қызығушылық танытқан қала тұрғындарына «Шахмат клубын» ұйымдастырды.
Әзірге клубтың бекітілген атауы болмасада, клуб өз жұмысын белсенді жүргізуде. Шахматшылардың кезекті бас қосулары аптасына 3 рет өткізіледі және ойыншылар шахмат жекпе-жегін өздерінің ыңғайлы уақытына белгілеуге мүмкіндіктері бар. Клуб аясында шахмат шеберінің майталмандары кездесулер өткізіп қана қоймайды, сондай-ақ шахмат ойынынын үйренем деушілерге арнайы оқу курстары өткізеді. Шахмат ойындары адамдардың ойлау-танымдық қабілеттерін жетілдіреді және өмірлік жағдайлардағы әртүрлі шешімдерді табуға пайдасын тигізеді. Кітапхана қызметкерлері шахматшы әуесқойларға арнап кітап сөресін жасақтады, сөреден шахмат ойындарына арналған оқу құралдары, әлемдік атақты шахматшылардың ойын партиялары және шахмат есептерін табуға болады. Абай атындағы кітапхана шахмат үйретуші волонтерлер Сороко Владимира Львовичке, Искаков Маратқа және Қасенов Арик Агиковичке осы жобаны ұйымдастырып қолдау көрсеткендері үшін алғыс білдіреді. Кітапхананың шахмат клубы барлық шахмат үйренуге ниет білдіргендерді бос уақыттарында келіп қатысуға шақырады.
Шахмат жекпе-жегінің уақыты: Сейсенбі, Бейсенбі 15.0 -ден 18.30-ге дейін
Жексенбі 11.00- ден 17.00-ге дейін