Кәсіби әлемдегі жаңа материалдар: қашықтық семинар
Шығыс Қазақстан облыстық Абай атындағы әмбебап кітапханасының басты бағыттарының бірі – тәжірибені аймақ кітапханаларына енгізу. Кітапханалардың жұмысын ұйымдастыру және қазіргі заманғы кітапханаларға қойылатын талаптар мен әдістерді меңгеру мақсатында, Абай атындағы кітапханасында 2015 жылдың 7 қазанында «Кәсіби әлемдегі жаңа материалдар» тақырыбында қашықтық семинар өткізілді.
«Кәсіби әлемдегі жаңа материалдар» тақырыбында қашықтық семинар өткізілді. Семинарға 32 кітапхана қызметкері қатысты. Семинардың мақсаты – ақпараттық сауаттылықты дамытудың әдістерін меңгеру және кәсіби тәжірибе алмасу арқылы кітапхана жұмысының қазіргі заманғы талаптарымен танысу. Семинар барысында оқуды насихаттайтын, оқырманмен жүргізілетін жұмыс әдістерін көрсететін ресейлік кәсіби сайттар ұсынылды. Сонымен қатар, семинар барысында кітапхананың дизайны, кітап қорын жарнамалау, оқу мәдениетін жоғарылату әдістері сияқты тақырыптар қаралды. Семинар кезінде пайдаланушыларды оқуға қалай тартуға болатынын көрсететін түрлі практикалық тапсырмалар, ойындар және сұрақ-жауап сайыстары туралы веб-сайттар ұсынылды. Сонымен бірге, Википедия, блогтар, кітапхана сайты сияқты жаңа білім беру технологияларына көңіл аударылды. Осындай оқу семинарлары кітапханалардың мүмкіндіктерін терең ашуға, кітапхана қызметкерлерінің кәсібилігін көтеруге, кітапханалар арасындағы әріптестікті жандандыру, бірлесе жұмыс жасауына және салыстыруға көмектеседі. Қорытындысында қатысушылар локалды жүйе арқылы чат түрінде өздерінің пікірлерін айтып, тың тәжірибелерімен бөлісті. Ең қызықты ұсыныстар http://bibliokomek.blogspot.com/ «Библиопомощь» блогында жарияланды.