Агата Кристи- детектив ханшайымы: бестселлер шоу

  • 21.10.2015

2015 жылдың 21 қазанында кітапхананың оқырмандарға қызмет көрсету бөлімінде детективті проза авторларының ішіндегі ең танымал, ағылшын жазушысы Агата Кристиға 125 жыл толуына орай «Агата Кристи- детектив жанрының ханшайымы» атты бестселлер шоу өткізілді.

a22

А.Кристи 1- ші дүниежүзілік соғыс кезінде ауруханада мейірбике болып қызмет атқарды. Ол мамандығы өзіне қатты ұнады. Агата мейірбике мамандығын –ең пайдалы мамандық деп атады. Жазушы өз қаламынан туған детективтерге өмір барысында болып жатқан оқиғаларды біте қайнастыра білді. Агата Кристи – жетпіске тарта детективті романдар мен бірнеше психологиялық туындылар және көптеген әңгімелер жинағын жарыққа әкелді. Пьесалары Лондонда сахналанды. Туындылары 4 миллиардтан астам тиражбен сатылып, жүзден астам тілге аударылды. Аталмыш іс-шараға қатысушылар жазушының «Загадочное происшествие в Стайлзе», «Таинственный противник», «Убийство на поле для гольфа», «Человек в коричневом костюме» және т.б. туындыларындағы Эркюль Пуаро, Артур Гастингс, аға инспектор Джепп, Томми, Таппенс, Энн Беддингфелд пен Полковник Рейс атты кейіпкерлерге жекелеме әдеби талдама жасап, өз ойларын ортаға салды.

22

№ 2 орта мектептің жоғары сынып оқушылары «Мышеловка» пьесасынан үзінді келтіріп, сахналады. Іс-шара соңы «Агата Кристи- детектив жанрының ханшайымы» атты кітап көрмесіне шолумен аяқталды. Бестселлер шоудың жоғары дәрежеде өтуіне ат салысқандары үшін № 2 мектеп оқушылары арнайы алғыс хаттармен марапатталды. Іс-шараға бөлімнің «Диалог» әдебиет салонының мүшелері, студенттер және кітапхана пайдаланушылары қатысты.