Аймақтарды дамытуда кітапханалардың рөлі: тұсаукесер

  • 21.10.2015

21 қазан күні Абай кітапханасы қызметкерлері ШҚО Пушкин атындағы кітапханасы Шемонаиха қаласында ұйымдастырған «Кітапханалар Елбасының «Бес институционалды реформаны жүзеге асырудағы 100 нақты қадам» Ұлттық жоспарын жүзеге асыруда» атты аймақтық семинарға қатысып қайтты. Семинар барысында біздің кітапханашылар «Туристтік сала тұжырымдамасын дамытудағы кітапханалардың рөлі» идеясының тұсаукесерін және «2016 жылғы Семей өңірінің атақты тұлғалары» атты Семей аймағында аталып өтілетін және еске алынатын күндер тізбегімен таныстырды.

«Туристтік сала тұжырымдамасын дамытудағы кітапханалардың рөлі» идеясының тұсаукесері ұсыныс түрінде таныстырылып, ауылдық аймақтарда туризмді, сонымен қатар виртуалды, әдеби және өлкетану туризмін дамыту үшін қажетті кеңестерді қамтыды.

24

«2016 жылғы Семей өңірінің атақты тұлғалары» атты Семей аймағында аталып өтілетін және еске алынатын күндер тізбегі 2016 жылғы атақты жазушылар, мерейтой иелеріне арналды. Олар: М.Сәрсеке, Қайым Мұхамедханов, Виктор Кашляк, А.П.Михаэлис, С.Машақов, Ғазиз Сапаев және Қ.Байгужинов, Н.Алексеев, В.Зубов.