Жұмекен Нәжімеденов шығармашылығы: бейне-сұхбат
2015 жылы 22 қазанда Абай кітапханасы оқырмандарға қызмет көрсету бөлімінде белгілі танымал ақын Жұмекен Нәжімеденовтің өмірі мен шығармашылығына арналған видео- сұхбат өткізілді.
Кітапхана ЖОО- ы және колледждермен өте тығыз қарым қатынаста жұмыс істейді. Соның бір айғағы М.О.Әуезов атындағы педагогикалық колледжінің студенттері ашық сабақтарына қажетті Ж.Нәжімеденов туралы бейне-сұхбат деп айтса болады. Бөлім қызметкері студенттерге танымал тұлға Ж.Нәжімеденовтің өмірі мен шығармашылығы жайында қысқаша тоқтала отырып, ақынның 21 жасында өмірге әкелген өміршең әні «Менің Қазақстаным» өлеңінің тарихын кеңінен айтып берді. Ақынға арналған zhumeken.kz сайтымен таныстырып, оған арналған естелік кітаптар туралы сыр шертті. Кітапхана қорындағы Ж.Нәжімеденовтің кітаптары мен мерзімді басылым беттерінде жарияланған ауқымды мақалалары сұхбат алушы студенттерге таныстырылды. Іс- шараның бұл түрі – жастарды кітапхана қорындағы кітап қорымен кеңінен таныстыруға мүмкіндік береді. Студенттер кітапхана қызметкерінің бейне-сұхбатына үлкен алғыс білдіре отырып, келешекте әлі де қызықты тақырыптармен сұхбатқа алуға келетіндіктерін қуанышпен жеткізді. Кітапхана қызметкері әрқашан студенттердің білімге деген құштарлықтарын құптап, оларға көмек көрсетуде әрдайым дайын екендігін айтты.