Көшпенділерді жастар жарыса оқиды: байқау

  • 28.10.2015

2015 жылдың 28 қазанында кітапхананың оқырмандарға қызмет көрсету бөлімі Семей қаласы, «Бизнес колледжі» қазақ тілі мен әдебиеті пәнінің оқытушысы Ибраев Нұрлан Балқашұлымен бірлескен түрде «Бір ел, бір-кітап» акциясы аясында «Көшпенділерді жастар жарыса оқиды» атты қалалық колледждер арасында байқау ұйымдастырды. Байқау үш кезеңнен тұрды. Олар: «Көшпенділер» романынан монолог оқу, «Алмас қылыш» туындысынан сұрақтарға жауап беру және «Ой толғау» .

77497099_3_1000x700_1-komn-kvartira-okean-vtorichnyy-rynok

Байқауға Семей қаласының « Семей қаржы экономикалық колледжі», «Семей көп салалы колледжі», «Семей бизнес колледжі», «Семей медициналық колледжі», «Индустриялық колледжі» , «Геолобарлау колледжі» және т.б. қатысты.

99

Аталмыш іс-шара «Бір ел, бір кітап» акциясы тарихымен танысудан басталып, осы жылғы акция кітабы «Көшпенділер» романына тоқталу болды. Бұл сайыста байқауға Семей құрылыс колледжінің қатысушылары монологты сахналық көріністермен сомдап көрермендер жүрегіне жол тартса, «Алмас қылыш» сұрақ-жауап сайысында алғашқы кезеңнен «жүзден жүйрік, мыңнан тұлпар» шыққан 12 қатысушы жан-жақты әдеби танымдарын көрсете білді.

Байқауға қатысушы жастар өз білімдері мен біліктіліктерін жоғары деңгейде танытты. Төрешілер сайысқа қатысушыларға әділ бағасын бере отырып, кемшіліктерін де ескертпе ретінде айта отырды.

Сайыс соңы аталмыш роман бойынша білімдерін барша жұртқа паш еткен білгір қатысушыларды мараппатаумен аяқталды. Марапаттау бас жүлде және 3 орыннан тұрды. 3- орынды геолобарлау колледжінің студенті- Болатова Аяулым, Семей Сервис колледжінің студенті – Қайкер Айым, 2- орынды Семей көп салалы колледжінің стденттері- Санатова Бота, Мұратова Әйкерім, Семей көлік колледжінің студенті- Иманбекова Айгүлдер бөліссе, 1- орынды Семей құрылыс колледжінің студенті- Кенжехан Қадір иеленді, ал «Көшпенділерді жастар жарыса оқиды» байқауының бас жүлдесін Семей көп салалы колледжінің студенті Рымхан Нұрсұлтан қанжығасына байлады.

Сайысқа келуші барлық қатысушыларға әдеби танымдық байқауға қатысқандары үшін, кітапхана атынан алғыс хаттармен марапатталды.