Әлем елдеріндегі шай ішу рәсімі: мүмкіндігі шектеулі балаларға арналған танымдық ойын
2015 жылдың 20 қарашасында Абай атындағы кітапханада желтоқсан айында болатын Мүгедектер күніне орайластырылып «Әлем елдеріндегі шай ішу рәсімі» атты танымдық іс-шараны «Исток» ҚБ бірлесіп өткізді.
«Исток» ҚБ мәдени-көпшілік іс-шаралар ұйымдастырушысы Н.Н. Ковшова балаларға алғашқы шай ішу рәсімі, Еуропа мен Азияға әкелінген шай түрлері туралы ақпарат беріп, мәдени шара кітапхана мамандары дайындаған слайд-көрсетіліммен жалғасын тапты. Қытай, Жапония, Ресей және Қазақстандағы шай ішу рәсімдері кеңінен талқыланды. Балалар тек тыңдап қана отырмай, шараға белсене қатысып отырды. Олар «кім жылдам орындайды?» және «ең керемет дастархан жаю» сияқты ойындарға араласып отырды. Сонымен қатар мүмкіндігі шектеулі балалар өздерінің арнайы дайындаған билерін көрсетті. Шара соңында балаларға тәтті-дәмділермен шай ұсынылды.