«Казахстанский путь безъядерного мира» кітабының тұсаукесері

  • 27.11.2015

2015 жылдың 27 қарашасында Шығыс Қазақстан облыстық Абай атындағы әмбебап кітапханасында Асхат Жұмабеков пен Сұлтан Картоевтың «Казахстанский путь безъядерного мира» атты кітаптың тұсаукесері болып өтті. Кітаптың сүйінші данасы LAP LAMBERT Academic Publishing баспасында (Германия) жарық көрді.

IMG_9306Кітап жазудың идеясы Асхат Жұмабековке тиесілі, оның бастамасымен «Семей қ. Назарбаев Зияткерлік мектебінің» оқушылары Қазақстанның басқа да аймақтарына барып, физикалық құралдардың көмегімен жер, су, ауаның құрамындағы радиация мөлшерін зерттеуге кіріскен болатын. «Атом» жобасы арқылы олар Семей өңіріндегі полигонның жабылуынан 25 жыл өткеннен кейін радиациялық фон қалыпты жағдайда екенін дәлелдеп, Семей өңірінің басқа аймақтардан ешқандай да айырмашылығы жоқ деген тоқтамға келді.

Кітаптың авторы Сұлтан Картоев бұл басылымның Қазақстан Республикасы Президенті күніне орай елбасымызға сый ретінде шығарылғанын атап айтты. Себебі тұңғыш Президентіміз Н.Назарбаевтың бастамасымен Семей ядролық сынақ полигоны жабылған болатын.

Тұсаукесерге Невада-Семей ядролық жарылысқа қарсы қозғалыстың мүшелері, зиялы қауым өкілдері, Б.Мұқашев, О.Т.Шәріпбаев. А.И.Боқбасарова. С.Т. Цумаев, К.Г. Раимбеков Қазақстан халқы Ассамблеясының өкілдері қатысты. Шараға қатысушылар кітаптың авторларына үлкен алғыстарын білдіріп, аса құнды басылым екенін атап өтті.

Кітап ядролық қаруға қарсы қозғалыс, Жер бетінде ядросыз әлем құру және «Семей қ. физика-математика бағытындағы Назарбаев Зияткерлік мектебінің» оқушылары жүргізген зерттеу жұмыстарын қамтитын екі бөлімнен тұрады. Мектеп оқушылары өз зерттеушілік қызметтерін «Атом» Бағдарламасын негізге алып атқарды. «Атом» жобасы – 21 жылдан бері жүзеге асырылып келе жатқан жаһандық ядролық қарусыздануға қол жеткізудің іс-әрекеттері мен ұстанымының дәстүрін жалғастырған Президент Назарбаевтың жаңа бастамасы.

28
Бұл кітап Қазақстанның атаулы күндері: Қазақстан халқы Ассамблеясының 20-жылдығы, Семей ядролық сынақ полигоны жабылуының 25-жылдығына арналған басылым.

Тұсаукесерге жиналған қауым кітапхана қызметкерлері дайындаған «Ядролық қауіпсіздік – ғаламдық қауіпсіздік кепілі» атты кітап көрмесімен танысты.