Елбасымен нұрлы болашаққа : көрмеге шолу

  • 27.11.2015

2015 жылы 27 қарашада Абай атындағы кітапхананың оқырмандарға қызмет көрсету бөлімі қызметкерлері Қазақстан Республикасының Елбасы күніне орай «Әлем таныған тұлға» атты ауқымды кітап көрмесіне арнайы сұраныс бойынша келген студенттер қауымына аталмыш көрме туралы шолу жасады.

30

Шолуға СММУ-нің 3-курс студенттері қатысты. Шолу барысында студенттер Н.Ә.Назарбаевтың еңбектерімен, өмір жолы туралы кітаптарымен және баспасөз беттерінде жарияланған мақалаларымен танысты. Оқырман жастар «Тарих толқынында», «Сындарлы он жыл», «Қазақстан жолы», «Евразия жүрегінде» және т.б. кітаптарға ерекше ықылас танытып, сұрақтар қойды. Көрмеге шолу арнайы тұрғыда «Ел еңсесен еселеген Елбасы» атты слайд көрсетілімімен толықтырылды.

Іс- шара өз жалғасын «Абайдың рухани орталығына» саяхат жасаумен жалғастырды. Пайдаланушылар сирек қорлармен жете танысты.

Шара соңында студенттер қауымы кітапхана қызметкерлерінің еңбегіне жеміс тілеп, алда келе жатқан мейраммен шын ықыластан құттықтай отырып, кітапхананың тұрақты оқырмандары болатындықтарын айтып жеткізді.