Тәуелсіз Қазақстан – дамуы мен келешегі: кең көлемді кітап көрмесі
10 желтоқсаннан бастап кітапхананың оқу залында Тәуелсіздік күніне арналып кең көлемді кітап көрмесі жасақталды.
Тәуелсіздігімізді жариялағаннан бергі мезгіл ішінде көптеген елеулі табыстарға қол жеткіздік. Бұл Президентіміздің жүргізіп отырған парасатты көреген саясатының нәтижесі – Еліміздің тыныштығы мен қауіпсіздігінің, көп ұлтты Қазақстан халқының жарастығы мен ынтымақтастығының арқасында болып отыр. Еліміздің тәуелсіздігі мен мемлекеттілігінің орныға түсуі, ұлттық қауіпсіздігі, экономикамыздың жедел қарқынмен дами беруі, Қазақстан халықтарының өз болашақтарына деген берік сенімі, қазіргі замандағы өркениетті қауымдастық ортасында іргелі елге айналуы – стратегиялық негізгі бағыттарды құрайды. Осы жайында көрмеге қойылған кітаптар мен мерзіміді басылымдар беттеріндегі мақалалар мен маңызды деректерге шолу жасалды. Сонымен қатар, пайдаланушыларға көрмеге арнайы жинақталған «Желтоқсан-1986: оқиғалар, деректер, мәліметтер», «Қайрат Рысқұлбеков» атты құжаттар топтамасы ұсынылды. Көрмедегі «Желтоқсан ызғары» «Тәуелсіздік тағылымы», «86-Желтоқсан», «Қазақстан тәуелсіздігінің қалыптасу тарихы» және т.б. кітаптар оқырмандар тарапынан жоғары сұраныста болды. Кітап көрмесіне барлығы 70 аса кітаптармен мерзімді басылымдар қойылды. Осы атаулы күндерге орай оқырмандар назарына «Желтоқсан – ерлік тарихымыз» атты электронды журнал ұсынылуда. Кітап көрмесі және электронды журнал желтоқсан айының соңына дейін жалғасады.