Құсмілия Жырғалұлы: мемлекеттік марапаттар

  • 15.12.2015

Абай атындағы кітапхананың қоғаммен байланыс және көпшілік іс-шаралар бөлімінің менеджері өнертанушы, ақын, Құсмілия Жырғалұлы Нұрқасым VI Республикалық «Тәуелсіздік толғауы» атты жаңа өнер туындыларына арналған конкурстың «Қазақ хандығының 550 жылдығы» және «Қазақстан халқы Ассамблеясы жылы» аясында халықтар достастығын бейнелейтін ірі және кіші көлемді ең үздік музыкалық шығарма» номинациясы бойынша «әз-Жәнібек, Керей хан-кемеңгерлер» шығармасының мәтінің авторы ретінде үшінші орынды иеленіп, ҚР Мәдениет және спорт министірі А. Мұхамедиұлының қолы қойылған алғыс хат және дипломмен сый сияпатқа ие болды.

15

Әннің музыкасын жерлесіміз, композитор Тұрсынғазы Рахимов жазған болатын. Марапаттау рәсімі Астана қаласындағы конгресс-холлда өтті.

Сонымен қатар, Құсмілия Жырғалұлы ҚР Ұлттық Ғылым Академиясының корреспондент мүшесі, т.ғ. докторы, профессор Мәмбет Қойгелдиевтің төрағалық етіп отырған Қазақстан тарихшылар қауымдастығы «Ақ жол» демократиялық партиясының қолдауымен «Қазақ хандығының 550 жылдығының» құрметіне естелік медалімен марапатталды.

Осы айтулы марапаттарымен Құсмілия Жырғалұлын құттықтап, еңбегіне жеміс, отбасына амандық тілейміз!