Желтоқсан – ерлік тарихымыз: электронды журнал

  • 18.12.2015

10-20 желтоқсан аралығында Абай атындағы кітапханада Тәуелсіздік күніне орай пайдаланушылардың назарына электронды журнал көрсетілімі ұсынылуда.

18

Электронды журнал слайдтық көрсетілімдермен 2 бөлімді қамтыған. Бірінші бөлімде елдің тәуелсіздік алғаннан бергі уақыттағы республикадағы тарихи оқиғалар, жеткен жетістіктер мен тың деректер жайындағы ақпараттардан мәліметтер берілген. Журналдың екінші бөлімі 1986 жылғы желтоқсан оқиғасына арналып отыр. Слайдтың әрбір парақшасында фотосуреттер қамтылып, желтоқсан оқиғасына қатысты баспасөз беттерінде жарияланған мақалалар, статистикалық мәліметтер, жантүршігерлік оқиғаларды сипаттайтын куәгерлердің сұхбаттары назарға ұсынылуда. 1986 жылғы «Желтоқсан оқиғасына» қатысқан қазақ жастарының ерлігі, тәуелсіздік жолындағы өз өмірлерін құрбан еткен батыр ұл-қыздарға тағзым етіліп, кітапханаға күнделікті келетін жастарға үлгі болсын деген мақсатпен ұйымдастырылған осы іс-шарамыз желтоқсанның 20-на дейін жалғасын таппақ. Электрондық журналдың соңы келесі өлең жолдарымен аяқталды.

Желтоқсаным – тәуелсіздік тірегі,
Желтоқсанды қадір тұтып тұр елі.
Есте сақтап ағалардың ерлігін,
Жүректерге сақтау керек үнемі.