Алақай, Ғажайып ертегілер- кітапханада: суретті кітап көрмесіне шолу
2015 жылы 24 желтоқсанда Абай атындағы кітапхананың оқырмандарға қызмет көрсету бөлімі қоры ҚР Мәдениет министрлігінің Тіл комитеті «Мемлекеттік тілді және Қазақстан халқының басқа да тілдерін дамыту» бағдарламасы бойынша «Фолиант» және «Аруна» ЖШС баспаларынан шыққан балаларға арналған ертегі кітаптармен толықты.
Бүлдіршіндерге арналған ертегілер баланы бірден баурап алары сөзсіз. Мұқабаның бастапқы бетінен бастап, әр сан парақтарының барлығы ертегі желісіне қатысты ғажайып суреттермен бейнеленген. Әр кітапта топталған ертегілер бүлдіршіндердің танымдық қабілетін арттырып, қиялын дамытатыны, тәрбиелік мән беретіні сөзсіз.Сондай-ақ аталмыш бағдарлама бойынша шыққан ертегі кітаптар соңында бала қиялын дамыта түсетін әртүрлі боямақтар, сұрақтар және сөз мәдениетін қалыптастыруға ықпал жасайтын тапсырмалар берілген.
Ертегілер баспадан қазақ және орыс тілдерінде жарық көрген. Бұнда қазақ ертегілері орыс тілдерінде, қазақ тілінде, орыс халық ертегілері қазақ тілдеріне аударылып жарияланған. Сондай-ақ әлем халықтарының ертегілері қазақ, орыс тілдерінде жарық шыққан.
Бөлім қызметкерлері келіп түскен Әлем ертегілерін кітапхана пайдаланушыларымен жақын таныстыру мақсатында «Алақай, Ғажайып ертегілер – кітапханада» атты суретті кітап көрмесін ұйымдастырды. Кітапхана оқырмандары көрмеге шолу барысында әр мұқабаның көз тартарлық қызықты екендігін , тіпті кішкене баланы ғана емес, ересектердің де ерекше назарына ілінетіндіктерін айтып жеткізе отырып, үйдегі кішкентай кітапхана пайдаланушыларына деп қоржындарына ертегілерді жаздырып алып жатты.
Кітапхананың кішкене пайдаланушыларына арналған ғажайыптар әлеміненен сыр шертетін ертегі кітаптар әр тоқсан сайын кітапхана қорын толтыра түседі деген үміттеміз.