С.У. Картоевпен кездесу

  • 24.12.2015

2015 жылдың 24 желтоқсанында Шығыс Қазақстан облыстық Абай атындағы әмбебап кітапханасында «Невада — Семей» ядролық қаруға қарсы қозғалыстың вице-президенті С.У. Картоев қаладағы зиялы қауым өкілдерімен, Шәкәрім атындағы университеттің студенттері және БАҚ өкілдерімен есептік кездесуін өткізді.

1

Бұл кездесу Курчатов қаласындағы ҚР Ұлттық ядролық орталығындағы жаңа №26 лабораториялық корпустың ашылуына орайластырып ұйымдастырылды. Кездесу барысында Қазақстан Республикасының Ұлттық ядролық орталығы мамандарының жасаған табиғат аясындағы шығу тегі бойынша әр түрлі экожүйелер құрамындағы радионуклеидтердің қайта бөліну ерекшеліктерін айқындайтын бірегей нәтижелер баяндалды. Мұндай маңызды зерттеулер полигон кезінде ерекше қызметке ие болған №26 лабораториялық корпусты қайта жандандыруға алып келді. Қатысушыларға биологиялық бағыттағы ерен еңбектері үшін мадақтамалар мен медальдар табысталды.
Бұл іс-шараны «ХХІ ғасыр – ядролық қарусыз ғасыр!» атты кітап көрмесі толықтырды. Көрмеге кітапхана қорындағы кітаптар, мерзімді басылымдар, мұрағат фотосуреттері қойылды. Ал ядролық полигон тақырыбындағы ағаштан ойып жасалған бұйымдар мен қолөнер бұйымдары келушілер тарапынан ерекше қызығушылық тудырды.