Әлем елдеріндегі Жаңа Жыл: фотоглобус
2016 жылдың 14 қаңтарында Абай атындағы кітапхана мүмкіндігі шектеулі азаматтарға арнайы ұйымдастырған «Объектив» фотоклубының кезекті отырысы болып өтті.
Бұл жолы клуб мүшелері қала сыртындағы қар жамылған табиғат аясында таңғажайып фотосуреттер жасап, әлем елдеріндегі Жаңа Жылдың тойлану дәстүрлерімен танысып қайтты. Кітапхана қызметкерлері Италия, Финляндия, Қытай, Мексика және т.б. әлем халықтарының Жаңа жылды қарсы алуы туралы кең көлемді мағлұмат берді. Осы іс-шараға мүмкіндігі шектеулі балалармен қатар әлеуметтік қызметкер болып табылатын олардың ата-аналары да қатысты. Клуб мүшелері теориялық сабақта айтылған жарық және көлеңке, қозғалыстағы бейне техникасын қолдана отырып, біршама сапалы фотосуреттер жасады. Сонымен қатар бұл балалар Жаңа жыл мерекесін қуанышпен қарсы алғандарын көрсетіп, би билеп, төбешіктен шанамен сырғанап, көңіл көтерді. Ұйымдастырылған фотосессияда жасалған фотосуреттер клубтың келесі отырысында талқыланады.