«Аудармашылар клубының» отырысы
2016 жылдың 16 қаңтарында Абай кітапханасында «Аудармашылар клубының» кезекті отырысы болып өтті.
Отырыс әдеттегідей есте сақтау қабілетін дамытуға көметесетін тренингтер мен жаттығулар жасаудан басталды. Клуб мүшелері жұмыс барысын едәуір игеріп алып, отырыс барысында жалпы аударма жасау қабілетін дамытуға бағытталған іс-шараларды ұйымдастыруға белсене ат салысуда. Бүгінгі отырыста клуб мүшелері «Weekends with Wendell’s» (Венделмен өткізген демалыс) атты ағылшын тіліндегі мультфильмді көріп, қызығушылықпен оны орыс тіліне аудара бастады. Ал кейбіреулері бірден қазақ тіліне аударуға тырысып жатты. Әрине, жасалған аудармаларды толыққанды кәсіби аударма деуге келмейді, алайда серпінді ілгерілеу байқалатыны анық. Мультфильм өте қызықты болғандықтан, клуб мүшелерінің кейбір аудармалары күлкілі шығып жатты. Сөйтсе де, клуб мүшелері бірлесіп дұрыс нұсқасын жасауға тырысып, әрбіреуі отырыстың қызықты өтуіне белсене араласты.