Адам өміріндегі фотосуреттің алатын орны: фотоклуб отырысы

  • 28.01.2016

2016 жылдың 28 қаңтарында Абай атындағы кітапханада мүмкіндігі шектеулі адамдарға арналған «Объектив» фотоклубының кезекті отырысы болып өтті.

Бұл жолы отырыс кітапханадағы Абайдың рухани орталығында ұйымдастырылды. Сондықтан да клуб мүшелері Абай оқыған әдебиеттер әлемімен кеңінен танысып, әлем тілдеріндегі Абайдың кітаптарын көруге мүмкіндік алды.

01

Қазіргі уақытта әрбір адамның өмірінде фотосуреттің алатын орны ерекше, сол себепті бүгінгі отырыс «Адам өміріндегі фотосуреттің алатын орны» деген тақырыпта өткізілді. Отырыс барысында клуб мүшелеріне «Барбоскины» телехикаясынан «Естелікке фотосурет» деген мультфильмі көрсетілді. Яғни фотосуреттер тек әдемі естелік қана емес, сонымен қатар дәлелді айғақ та болатынына көз жеткізді. Іс-шара соңында өткен жолы үй тапсырмасы ретінде берілген «Терезедегі көрініс» тақырыбындағы фотосуреттер талқыланды. Барлық балалар үй тапсырмасын дұрыс орындап, фототүсірілім барысында қолданған түсіру техникасы туралы сөз қозғады. Барлығы отырысқа 15 адам қатысты.