Қазақстанның үздік – оқырманы-2016: онлайн-байқау

22 желтоқсан күні Абай атындағы кітапханада Қазақстан Республикасы Тәуелсіздігінің 25 жылдығына арналып Қазақстан Республикасының Ұлттық академиялық кітапханасының жариялаған «Қазақстанның үздік – оқырманы-2016» онлайн – байқау қортындысына орай марапаттау рәсімі өтті. Байқаудың мақсаты: кітапхана мен кітаптың мәртебесін көтеру, еліміздің үздік оқырманын анықтау. Байқауға еліміз бойынша 16 кітапхана қатысты.

Байқауды ұйымдастырушы – Астана қаласындағы Қазақстан Республикасының Ұлттық Академиялық кітапханасы.
Семей қаласы бойынша Абай атындағы кітапхананың тұрақты оқырманы Шәкәрім атындағы Семей мемлекеттік университетінің оқытушысы, филология ғылымдарының кандидаты, доцент Абикенов Мұхит Төкенұлы байқаудың жеңімпазы атанып, Қазақстан Республикасының Ұлттық академиялық кітапханасының алғыс хатымен және қаржылай сыйлықпен марапатталды.

Мұхит Төкенұлы алған марапатымен шын жүректен құттықтап, зор денсаулық, отбасына амандық, шығармашылық табыстар тілейміз!