Теріс пиғылды діни ағымдар, олардың белгілері және зардаптары: дәріс

Қазақстан Республикасы Тәуелсіздігінің 25 жылдығына орай 22 желтоқсан күні №47 ЖББ мектептің 9 сынып оқушыларына «Теріс пиғылды діни ағымдар, олардың белгілері және зардаптары» тақырыбында дәріс оқылды.
Шараның мақсаты: жастардың діни сауаттылықтарын жетілдіріп, адамгершілікке, имандылыққа, қайырымдылыққа тәрбиелеу

Қазіргі таңда адамдардың негізгі құқықтарына нұқсан келтіріп, мемлекетке, қоғамға, жанұяға қауіп төндіріп отырған, адам денсаулығына түзелмейтіндей зиян келтірген теріс пиғылды діни ағымдардың қызметі алаңдатушылық туындатуда. Дәстүрлі емес діни ағымдардың қоғамды іштен ірітіп, бүлік салып жатқандығы туралы жиі айтылып келеді. Алайда, жастар теріс пиғылды ұйымның өз жұмысын нақты қандай әрекеттер арқылы жүргізетінінен бейхабар.

Осыған орай, дәріс барысында мәдениеттанушы Нұрқасым Құсмилия Жырғалыұлы еліміздің жарқын болашағын қалаушы – жас ұрпақтарымыздың санасын улап жатқан жат ағымдардың мән-мағынасын, әсер ету жолдары мен тигізер зияндарын ашып көрсетіп, оларға қысқаша тоқталып өтті.

Шара соңында арнайы жасақталған «Дін бірлігі – татулықтың негізі» атты көрмеге шолу жасалынып, С.Сейтбековтің «Иман негіздері», «Ислам ынтымақ пен бірлік жолында», А. Әділбаевтің «Саңлақ сахабалар», Ә. Сәдуақасұлы «Дін – тәрбие діңгегі» және тағы басқа кітаптар мен мерзімді басылымдар беттерінде жарияланған мақалалар оқырман назарына ұсынылды.