Хош келдің, Жаңа жыл!: кең көлемді кітап көрмесі

Желтоқсан айының 27-ші жұлдызы күні Абай атындағы әмбебап кітапханасында «Хош келдің, Жаңа жыл!» атты кітап көрмесі ұйымдастырылды. Кітап көрмесінен пайдаланушылар келер жылдың басты ерекшеліктері, әлем жаңа жылды қалай қарсы алады, жаныңа жақын жандарға қандай сыйлықтар жасауға болады, жаңа жыл дастарханын дайындауда қандай ерекшелік бар? – деген көптеген сауалдарына жауап таба алады. Сонымен қатар астрологтардың тауық жылына болжамымен, Жаңа жылдық сценарийлердің топтамасымен, өлеңдермен, мақал-мәтелдермен таныса алады. Көрме Жаңа жылдық шыршамен, ойыншықтармен безендіріліп, 21 кітап, 18 мерзімді және 10 электронды басылымдар қойылды. Шараға Қазақ инновациялық гуманитарлық-заң университетінің студенттері қатысты.

Келе жатқан Жаңа жыл құтты болсын! Әрбір шаңыраққа шаттық, бақ-береке, тыныштық және мол жақсылықтар әкелсін!