Мандариннің жұпар иісі: гитарамен әуен кеші
Әр айдың соңғы жексенбісінде Абай атындағы әмбебап кітапханасының жанынан ұйымдастырылған «Ключ» авторлық әндер клубы шығармашылық кеш өткізуді дәстүрге айналдырып отыр. Желтоқсан айының 25-ші жұлдызы күні Абай атындағы әмбебап кітапханасында христиан әлемінің басты мерекесі – Рождество мейрамына арналып «Мандариннің жұпар иісі» атты гитара әуені кеші өтті. Кешке қатысушылар жер шарында желтоқсан айында қандай халықаралық мерекелер тойланатынын білді. Сонымен қатар Халықаралық күнтізбе бойынша 3 желтоқсан мүмкіндігі шектеулі жандарға арналған күн болғандықта, клуб мүшелері бұл тақырыпты айналып өтпеді. Шараға жиналғандар мүмкіндігі шектеулі жандарды ойша Жаңа жыл мерекесімен құттықтап, денсаулық тіледі. Инара Мейердің шығармашылығынан мүмкіндігі шектеулі жандарға арналып жаңа жыл туралы өлең оқылды. «Ключ» клубы орындаушыларының өз авторлық әндері де, кең таралған басқа да таңдаулы әндер Валерий Абдулиннің орындауында шырқалып, кеш екі сағатқа созылды. Жиналған қауым әлем елдерінің Жаңа жылдық дастархан мәзірі дәстүрінен дайындаған «Жақсылық жауһарымен» танысты. Әрбір қатысушы бұл жақсылықтың бір бөлшегін өзіне алып, Жаңа жылды қай елде және қалай қарсы алу керектігі жайлы білді.
Кеш соңында қонақтар Жаңа жылдан күтетін жақсылықтың нышанындай мандарин жемісінің дәмін татып, оның жұпар иісін сезінді.
