Компьютер меңгерудің негіздері: тренинг

  • 30.12.2016

Шығыс Қазақстан облыстық Абай атындағы әмбебап кітапханасында 2016 жылғы 22-30 желтоқсан аралығында «Отбасы орталығы» қоғамдық қорымен бірлесіп жүргізетін жобасының шеңберінде «Компьютер меңгерудің негіздері» атты тренинг өткізілді. 2016 жылдың ақырғы оқыту шарасына төрт зейнеткер қатысты. Қатысушылар тренинг бағадрламасы бойынша компьютер негізін меңгерді және қосымшалармен танысты. 5 күн ішінде олар компьютердің жұмыс істеу принципі, мәтінмен жұмыс жүргізу, құжаттарды жасау және сақтау, бағдарламаларды іске қосуды үйренді. Тренинг барысында алған білімдері арқылы қатысушылар болашақта тұрақты компьютер пайдаланушылары болады деген сенімдеміз. Енді компьютер негіздерін меңгерген зейнеткерлер ғаламтор арқылы қажетті ақпаратты тауып, таныстарымен қарым-қатынас жасау үшін «Интернет негіздері» атты келесі курсқа жазылды.