ЭКСПО – 2017. Болашақ энергиясы: бейне презентация

10 қаңтар күні Абай атындағы кітапхана қызметкерлері балалар әдебиеті бөлімінің оқырмандарына «ЭКСПО 2017 – болашақ энергиясы» тақырыбына бейне презентация өткізді. Шара барысында ЭКСПО-2017 халықаралық көрмесі, оның сипаттамасы, мақсаты мен міндеттерін саралап, сәулет құрылыстарымен таныстырылып, ЭКСПО өткізу орнында салынатын объектілер болашақта Қазақстан мен оның елордасын ірі халықаралық, көрмелік және ақпараттық – презентациялық алаң ретінде қарастыруға мүмкіндік беретіндігі жайында қызықты мәліметтер берілді.

«Болашақ энергиясы» ЭКСПО-2017 көрмесі тұрақты энергия көздерін дамытуға, энергия үнемдеу сенімділігі мен тиімділігін арттыруға бағытталған стратегияларды, бағдарламалар мен технологияларды зерттеуге бейімделген. Оның мақсаты – бүкіләлемдік аренада Қазақстанның танылуы мен туристік тартымдылығын арттыруға, көп ұлтты мәдениетпен, ежелгі тарихпен, өнермен, дәстүрмен және біздің халқымыздың қонақжайлылығын көрсетуге бағыттау, жаңармалы энергия көздерін пайдалануды және энергетикалық ресурстарды тиімді тұтынуды ынталандыру болып табылады. Осындай іс – шаралар оқушылардың шығармашылық қабілетін нығайтып,тарихи зерделілік қасиеттерін дамытып, отанының жетістіктеріне мақтаныш сезімін оятады деген сенімдеміз.

Халықаралық “ЭКСПО – 2017” көрмесіне қатысты іс – шаралар әлі де жалғасын табады.