Жеті тілекті орындаған жеті түсті гүл: мейірімділік сабағы

Қаңтардың 13 күні Абай атындағы кітапхана қызметкерлері орыстың драматург-жазушысы Валентин Катаевтың туғанына 120 жыл толуына орай, №31 ЖББ мектебінің 2-ші сынып оқушылары үшін «Жеті тілекті орындаған жеті түсті гүл» атты мейірімділік сабағын өткізді.

Балалардың дүниетанымын қалыптастыруда ертегілердің маңызы өте зор. Мейірімділік пен төзімділікке, достыққа тәрбиелейтін ертегілерді тыңдап өскен бала мейірімді, үлкенді сыйлайтын, өз елін қорғайтын азамат болып өседі.

Бұл ертегіде қарапайым қыз Женя анасының өтінішімен сатып алған тоқаштарын итке ұрлатып қапаланып келе жатқанда алдынан әже ұсынған жеті түрлі гүл қыздың барлық тілегін орындайды. Әсіресе, аяғы кемтар Витя деген баланың денсаулығын жақсарып тілегінің қабыл болғаны, Женя арқылы бүлдіршіндер қайырымдылыққа, достыққа, адалдыққа тәрбиеленеді.

Шара барысында бүлдіршіндер осы тақырыпта мультипликациялық фильмді тамашалап, ертегі жайында қойылған викториналық сұрақтарға тыңғылықты жауап берді және түрлі-түсті қағаз жапырақтарына өздерінің арман-тілектерін жазып, оларды біріктіріп жеті түсті гүл жасады.