Мартин Лютер Кинг: көрме панорама
15 қаңтар күні Шетел әдебиеттер бөлімі «Америка сөресі» аясында ақ және қара нәсілдердің құқығы бірдей болуы үшін қара нәсілділердің білім алу мақсатында көптеген демонстрацияларға қатысып, үкімет тарапынан қуғынға ұшыраған Мартин Лютер күні мейрамын таныстыру мақсатында «Мартин Лютер Кинг» көрме панорамасы іс-шарасы ұйымдастырылды.
Арнайы жасақталған көрмеге қоғам қайраткері туралы ағылшын тілінде ақпараттар көрсетіліп, мерзімді басылымдар беттеріндегі мақалалар орналастырылды. Көрмені көруге келген кітапхана пайдаланушыларына Мартин Лютер Кинг ғұмыры таныстырылып, Мартин Лютер Кинг күні мейрамының шығу тарихы туралы баяндалып, оның саяси көзқарасы туралы ақпарат берілді. Көрме қаңтар айының соңына дейін жалғасады.
