Ұлт зиялыларының асыл мұралары: ретро-көрме

Абай атындағы кітапханада 17 қантар күні «Ұлт зиялыларының асыл мұралары» атты кең көлемді ретро-көрме ұйымдастырылды. Кітап көрмесінің мақсаты: оқырмандарға Еліміздің Тәуелсіздігі үшін күресіп, туған елінің әлемдегі өзге де мемлекеттермен терезесі тең ел қатарында өмір сүріп, дербес ұлттық мемлекет ретінде шаңырағын көтеруді мақсат тұтқан және сол жолға ғұмырларын қиған ұлт зиялылары –алаш арыстарының асыл мұраларымен жас ұрпақты жақын таныстыру.

Көрме қойылған Ж.Тілеулиннің «Жұқпалы науқастар», «Гигиена», Міржақып Дулатовтың аудармасында жазылған «Кәсіпшілер одағының қызметі», Х.Досмұхамедұлының «Адамның тән тірлігі», «Как бороться с чумой среди киргизского народа» кітаптары мен Әлімхан Ермековтың «Ұлы математика курсы», сонымен қатар биолог-ғалым Жұмақан Күдериннің «Өсімдіктануы» оқырмандар назарын өзіне тартқан құнды басылымдар қатарында болды. Кітап көрмесін «Алаш маршы», «Алаш гимні», «Алаш ұраны» толықтырды.

Аталмыш шараға «Авиценна» колледжінің студенттері қатысты.