Жаңа кітаптармен жүздесу: кітап көрмесі

2017 жылдың қаңтар айының басынан Абай атындағы кітапханада «Жаңа кітаптармен жүздесу» тақырыбында кітапханаға келіп түскен жаңа кітаптар бойынша кітап көрмесі ұйымдастырылды. Шара барысында жаңадан келіп түскен кітаптарға шолу жасалынып, пайдаланушылар жаңа кітаптармен жақынырақ танысуға мүмкіндік алды. Ұсынылып отырған кітаптар арасында «Тәуелсіздік толғаныстары» сериясымен жарық көрген бірнеше автордың кітабы ұсынылды. Атап айтар болсақ, Көсемәлі Сәттібайдың «Менің елім», Марат Тоқашбаевтың «Жан дауыс», Әлсейіт Оспанның «Сезім сәулесі», «Жас толқын» сериясымен шыққан Мерген Тоқсанбайдың «Мен біреуді сүйемін…», Ерқанат Қуатбекұлының «Бағым бүрлеп, толғанда қырым гүлге» кітаптары, Гүлнәр Апееваның «Абайдың ақындық дәстүрі және Шәкәрім поэмалары», Ырысбек Дәбейдің «Мөлтіл», Дүкен Мәсімханұлының таңдамалысы, Жарылқап Бейсенбайұлының «Шоқан Уәлиханов», Нұрлан Оразалиннің және Байғали Есенәлиевтің шығармалар жинағы, Бақытбек Смағұлдың «Тағдыр тозағы», Жомарт Игуменнің «Ұлы дала сарыны», Алмат Исәділдің «Аспантау» жинағы, ақын, Мемлекттік сыйлықтың лауреаты Несіпбек Айтұлы туралы ой-толғамдар кірген «Бостандық жырының бозжорғасы» жинағы қойылды. Кітап көрмесіне жиыны 25 кітап ұсынылды.