Елбасы Жолдауы – 2017: бейнепрезентация

11 ақпан күні Абай атындағы кітапханада ҚР Президентінің халыққа Жолдауы бойынша «Елбасы Жолдауы – 2017: Қазақстанның үшінші жаңғыруы: жаһандық бәсекеге қабілеттілік тақырыбында бейнепрезентация ұйымдастырылып, Жолдаудың маңыздылығы түсіндірілді. Іс-шараға Семей Мемлекеттік Медициналық университетінде оқитын шетелдік студенттер қатысты. Шара барысында шетелдік студенттерге Жолдаудың басым бес бағыттары түсіндірілдіп, Елбасының атап көрсеткен Үшінші жаңғырудағы басты бес бағыт туралы ақпарат ағылшын тілінде беріліп, білім беру жүйесін реформалау, үш тілде оқытуға басты назар аудару керектігі жайында сөз қозғалды. Әлемдік деңгейде ел танылу үшін тіл мәселесі де басты әрі айқын қажеттілік деп ой түйінделді. Сондай-ақ шетелдік студенттерге жолдауды ұғындыра түсу үшін «Қазақстан туралы не білесіз?» атты сұрақ-жауап ойыны ойнатылды. Бұл ойында студенттер Қазақстан экономикасының қарқынды дамып келе жатқандығын, мәдениетімен, әдет-ғұрпымен, алыс-жақын шетелге танылғандығын тілге тиек ете отырып, бұл елдің білім беру жүйесінің ұнағандығынан осы елде білім алып жатқандықтарын жеткізді. Аталмыш шара соңы: Жолдауда көрсетілген тапсырмалар мен міндеттерді бүкіл халық болып жұмылып, жүзеге асырылуы керек деп қортынды жасалды.