2017 жыл: өлке бойынша атаулы күндер: ақпарат күні

Абай атындағы әмбебап кітапханасы 2017 жылдың 15 ақпанында қаламыздағы оқу орындары және колледж бен мектеп кітапханашылары үшін «2017 жыл: өлке бойынша атаулы күндер» атты ақпарат күнін өткізді. Шарада аталмыш жылы аталып өтілетін тарихи оқиғалар мен есімдері елімізге белгілі әдебиет және өнер қайраткерлері, өлкетанушылардың ғибратты ғұмыр жолдары мен шығармашылықтары туралы кеңінен ақпарат берілді. Шара аясында арнайы кітап көрмесі ұйымдастырылып, танымдық ақпараттар слайд көрсетілімдері арқылы ұсынылды. «Қазіргі заман тарихын құжаттандыру орталығының» маманы Л.Қадырова режиссер, драматург, актер, қазақтың ұлттық профессионалды театр өнерінің негізін салушылардың бірі, қоғам және театр қайраткері, Қазақ АКСР-інің халық артисі Жұмат Тұрғынбайұлы Шанин жайында мағлұмат берсе, «Прииртышье» өлкетану қоғамының мүшесі Н.В.Рыкова өрт сөндіру мұнарасы туралы өз ойын ортаға салды.

Кітапхана қызметкерлері биылы атаулы күндер тізіміндегі Ә.Нұршайықов, М.Әуезов, Т.Есімжанов, М.Оспанов, М. Ибраевтар т.б шығармашылықтарына кеңінен тоқталып мағлұматар берді.
Шараға қатысушыларға библиографиялық құралдар ұсынылды.