Зорлық – зомбылыққа жол жоқ: ақпарат сағаты

  • 17.02.2017

Ақпан айының 17-ші жұлдызы күні Абай атындағы әмбебап кітапханасы қызметкерлері «Жанұя» ҚҚ орталығымен «Зорлық – зомбылыққа жол жоқ» тақырыбында ақпарат сағатын өткізді. Шараның мақсаты: отбасындағы зорлық – зомбылыққа жол бермеу, жас жеткіншектерге құқықтық заңнамаларды түсіндіру. Жаман әдеттерден бойларын аулақ ұстап, ондай әрекеттерге бармауға тәрбиелеу, адамгершілігі мол саналы азамат болып өсуіне ықпал жасау. Шара барысында көлік және «Семей» медициналық колледжі студенттеріне зорлық-зомбылық адамның ең жаман қасиеті екені айтылып, азаматтық құқықтары мен бас бостандықтарын қорғауы туралы ақпараттар берілді. Аталмыш тақырыпта бейнеоролик дайындалып, ұсынылды. «Мен зорлық зомбылыққа қарсымын» атты кітап көрмесі жасақталып, шолу жасалды. Шараның соңы пікір алмасумен жалғасын тапты.