Түркі халықтарының мерекесі – Әз Наурыз!: кең көлемді кітап көрмесі

10 наурыз күні Абай атындағы кітапханада Наурыз мейрамына орай «Түркі халықтарының мерекесі – Әз Наурыз!»: тақырыбында кітап көрмесі ұйымдастырылды.

Көрменің мақсаты: Наурыз мейрамы қарсаңында халықтық мейрамның қажеттігін сезіну, туған өлке, туған жерге деген патриоттық сезімін жандандыру.

Шараға Шәкәрім атындағы Мемлекеттік Университетінің студенттері қатысты. Ұлыстың ұлы күні саналған Наурыз – күллі парсы және түркі жұрттарының мерейлі мерекесі. Мұсылмандықты, ұлттық салт-дәстүрлер мен әдет-ғұрыптарды бекем ұстанған қазақ халқы бұл күнді ерекше дайындықпен өткізеді. Ақсақалды қариялар, ақ самайлы әже-апалар ақ дастархан жайып, қонақ күтіп, батасын береді. «Ұлыс оң болсын, ақ мол болсын!», – деген тілек-дұғалар айтылатын наурыз – бірліктің, ынтымақтың, береке мен татулықтың мерекесі.

Көрмеге қойылған кітаптар мен мерзімді басылымдар беттеріндегі мол ақпараттар пайдаланушылардың қызығушылығын туғызып, мереке туралы өздеріне қажетті малғұматтарды алды. Қазақтың салт-дәстүрін, әдет-ғұрпын, дәріптейтін талғам мен танымға, шеберлікке, ұлағаттылыққа байланысты: «Наурызнама», «Қазақ халқының салт-дәстүрлері», «Қазақ халқының ұлттық киімдері», С.Кенжеахметовтың «Жеті қазына», Х. Арғынбаевтың «Қазақтың отбасылық дәстүрлері», М.Ш.Өмірбекованың «Қазақ ұлттық киімінің этномәдени лексикасы», «Қазақстан халықтарының ұлттық киімдері» кітаптар мен мерзімді баслымдар беттеріндегі мақалалар ұсынылып, шолу жасалды. Көрме наурыз айының аяғына дейін қызмет көрсетеді. Наурыз мерекесі құтты болсын! Ақ мол, жыл ырысты болсын!