Наурыздағы барлық бояу түстері: суреттер байқауы

15 наурыз күні Абай кітапханасының шетел әдебиеттер бөлімі қызметкерлерінің ұйымдастыруымен ағылшын тілі курсына қатысушылар арасында, Ұлыстың Ұлы күні Наурыз мейрамына орай «Наурыздағы барлық бояу түстері» тақырыбында суреттер байқауы өткізілді. Бұл мейрам көктемнің келуі, айналадағы тіршіліктің жаңаруы. Наурыз – сыйластық пен достықтың негізі іспеттес. Байқауға қойылған шығармашылық туындыларда қарындаш, акварель және гуаш бояулары пайдаланылған. Аталмыш іс-шараға қатысушылардың барлығы дерлік мектеп оқушылары. Салған суреттерін қатысушылар алдын ала акеліп тапсырды. Нәтижесінде келесідегі қатысушылар есімдері жеңімпаз аталды. Олар: 1 – орын Қадырова Данара (№ 39 мектеп, 6 «Г» сыныбы), 2 – орын Серікқазы Олжас (№16 мектеп, 2 «Б» сыныбы), 3- орын Гооге Изабелла (№31мектеп, 4 «Б» сыныбы). Жеңімпаздарға кітапхана атынан естелік ретінде кітаптар және ағылшын тіліндегі түрлі бояма суреттер сыйға тартылды.