Туған өлкемнің тарихы: өлкетану сағаты

26 сәуір күні Абай атындағы әмбебап кітапханасының қызметкерлері гуманитарлық-құқық және техникалық колледжінде барып «Туған өлкемнің тарихы» тақырыбында, Орыс Географиялық қоғамының Батыс-Сібір бөлімінің Семей бөлімшесінің ашылғанына 115 жыл толуына орайластырып өлкетану сағатын өткізіп қайтты. Шара барысында Семей бөлімшесіне алашорда қайраткерлері Ә.Бөкейханов, Ж.Ақбаев, Ш.Құдайбердиев және Р.Мәрсековтар мүше болғандығы, кітапханамыздың сирек қорында сақталған ХХ ғасырдың басында орын алған оқиғаларды басып шығарып отырған Орыс Географиялық қоғамының Семей бөлімшесінің «Жазбалары» туралы ақпараттар берілді. 1907 жылғы «Жазбаларда» басылып шыққан Ә.Бөкейхановтың «Абай Құнанбаев қазанамасы»; 1927 жылғы Ж.Ақбаевтың «Қазақтардың шығу тегі туралы» баяндамасына баса назар аударылды. Осы «Жазбаларда» Семей өлкесінің ғылымы, ауыл-шаруашылығы, халық шаруашылығының дамуы туралы статистикалық мәліметтері басылып отырған. 1927 жылғы «Жазбаларда» басылған Семей облысының құрылуы туралы ақпарат қатысушылардың қызығушылығын тудырды.

Өлкетану сағатында қосымша ақпарат ретіңде биыл құрылғанына 100 жыл толып отырған Алаш партиясы мен Алашорда үкіметі туралы кеңінен айтылып өтілді.

Шараны «Өлкеміздің танымал тұлғалары» атты сирек қорда сақталған әдебиеттерден жасақталған кітап көрмесі толықтырды.