Саябақтар шеруі: экологиялық сағат

Біздің кітапхана Қазақстанда жыл сайын сәуір айында өтетін Халықаралық «Саябақтар шеруі» акциясына үн қосып, қолдап келеді. Бұл кезеңде біздің жерімізге және қоршаған ортаға арналған көптеген мәдени шаралар өтеді. Бұл Семей қаласының әкімшілігінен бастап, барлық оқу орындары, қоғамдық ұйымдар, мәдени мекемелер, орман шаруашылығы қызметкерлері мен өндіріс орындары сынды жергілікті мекемелер жұмыла қатысатын көпшілік шаралар топтамасы. Қыстан шыққан қалада тазалық шаралары өтіп, ағаштар егіледі, экологиялық кездесулер өткізіледі. Кітапхана осы акцияға шаралар циклін ұйымдастырды. Осындай шараның бірі – Жер күніне арналған 27 сәуірде өткен экологиялық сағат. Шараға 8 аулалық клубтан 27 адам қатысты.

Экологиялық сағат ақпараттық-тренингтік жүйеге құрылып, төмендегідей іс-шараларды қамтыды:

– өлкеміздің табиғаты туралы Шығыс Қазақстандық экологтар дайындаған қоршаған орта туралы қысқаметражды фильмдер көрсету;
– балалар жұп болып қатысып, бір-біріне жануарлар өмірі мен адам мен табиғат арасындағы мәселелер жайлы әңгімелеген – «Жануарлар әлемі» мен «Ұрпақтар-Бабалар» атты ойын жаттығулары;
– Жер планетасы туралы ақпарат, онда мыйға шабуыл әдісі арқылы оның негізгі ресурстары (ауа, су, топырақ, орман, балық т.б.) айқындалады.
– қысқа-дәрістер барысында экологияны қоршаған ортаны, экожүйені айқындайды. Балалар адам табиғатпен толық үндестікте өмір сүретін «тереңдік экологиясы» сияқты сирек кездесетін ұғымдармен танысты.
Шарада балалар адамның жайлы өмірі үшін құртылған табиғат жайлы өз ой-пікірлерімен, тұжырымдарымен, табиғатта байқағандарымен алмасып, толық өзара түсіністік жағдайда өтті.