Ол «Кеттік!» деді: гитара сазы кеші

«Ключ» авторлық әндер клубы мүшелері Күлкі күні, Космос, Пасха сияқты көптеген тарихи атаулы күндерді әдеттегідей айдың соңғы жексенбісінде атап өтіп, дәстүрлі ән кешімен шығарып салды. Аталған тарихи оқиғалардың барлығы да 20 ғасырда болған, сондықтан кеш «Бізбен бірге ретроға қосыл!» айдарымен өтті. Ретро-әндер мен Космос тақырыбы гитаралы ән кешінің өзекті тақырыбы болды. Вадим Синнің «Черная дыра», «Марсиане» авторлық әндері, Тимур Аубакировтың орындауында 60-шы жылдары кең таралған «20 век берет разбег», «Самолет», «Верхом на звезде», «Звезда по имени Солнце», «Ваше благородие» сияқты әндерін жастар тамылжыта шырқады. Гитарамен шырқалған әндер қатарында рок-н-рол, рок, рэп, авторлық әндер, классикалық музыка да болды. Осы ерекшелік әр түрлі музыка жанрын ұнататындардың басын бір ортаға біріктірді. Жарнамалық үзіліс ретінде көрермендермен «Көне суреттерден өз қалаңды таны» сұрақ-жауап ойыны өткізілді. Қала тарихының гиды Талғат Исабаев жеңімпаздарға тәтті сыйлар таратты. Кеш қайырмасына барлық көрермендер қосылып айтқан «Туған қалам – Семейім» әнімен өз мәресіне жетті. Көпшілікке танымал әндер бірге шырқалып, кеш ашық көңілмен, жанға жайлы достық жағдайда өтті. Шара Александр Пашкевичтің өмірлік достықтың маңызын паш ететін, ұлымен қосылып айтқан авторлық «Друзья» әнімен аяқталды.