Думан Рамазанның көркемдік әлемі : портрет кеш

Шығыс Қазақстан облыстық Абай атындағы кітапханада 18 мамыр  күні жерлесіміз, талантты жазушы, дарынды драматург, халықаралық «Алаш» әдеби сыйлығының иегері Думан Рамазанның 55 жылдық мерейтойына орай, «Думан Рамазанның көркемдік әлемі» тақырыбында портрет кеш өткізілді.

Шараға қаланың №27 орта мектептің жоғары сынып оқушылары мен қатысуға ниет білдіруші барлық санаттағы оқырмандар қатысты. Аталмыш кештің кіріспесі ретінде жазуышының өмірбаянына тоқталып, жалпы еңбектеріне шолу жасалды. Автордың «Көкжал», «Хан Кененің қазасы», «Алланың әмірі», «Жылап аққан тамшылар», «Көктамыр» атты төл еңбектеріне жекелей талдаулар жасалып, қатысушылар өз ой-пікірлерін ортаға салды.

Сондай-ақ, былтырғы жылы «Бір ел – бір кітап» акциясы бойынша жаппай оқылымда болған «Пешене» трагедиялық туындысына қатысушылар тарапынан ерекше қызығушылық туындап, осы пьесалық қойылымды рөлдерге бөліп оқып, оқушылар бойларындағы әртістік қабілеттерін де ортаға салды.  Кеш барысында жазушының  әлемге әйгілі Харуки Мураками, Юкио Мисима, Уильям Сароян сияқты қаламгерлердің шығармаларын қазақ тілінде сөйлеткен, мықты аудармашы екендігі де аталып өтті.

Іс-шара соңында «Абылай ханның арманы» тарихи драмасының пьесалық қойылымы көрермен назарына ұсынылды. Іс-шараға соңында қатысушы оқырмандар алған әсерлерімен бөлісіп, осындай шаралар әлі де ұйымдастырылып тұрса деген ниеттерін де білдірді. Кітапхана ұжымы да өз алғыстарын оқырмандарға білдірді.