Конституция – біздің асқақ абыройымыз: дәріс
20 тамыз күні Абай атындағы кітапхана қызметкерлері Қазақстан Республикасы Конституциясының 22 жыл толуына орай «Конституция – біздің асқақ абыройымыз!» тақырыбында №30127 әскери бөліміне барып, жас сарбаздарға Конституцияның тарихы, құрылымы, мазмұны жайлы баяндама жасады. №30217 әскери бөлім командирінің тәрбие және идеологиялық жұмыстары жөніндегі орынбасары Адилбаев Дарын Есентайұлы сарбаздарды мерекелерімен құттықтап, Ата заңымызды құрметтеуге шақырды. Ата заңымызға байланысты қатардағы жауынгерлер Сарманов Есет, Патуров Анатолий заңдағы баптар мен бөлімдер туралы өз ойларын айтып өтті.
Шара барысында тыңдаушылардың назарына ұсынылған “Ата заң – мемлекеттіліктің арқауы” тақырыбындағы кітап көрмесіне шолу жасалынып, «Конституция: кеше және бүгін» атты слайд көрсетілді. Дәріс тыңдаушылары Ата Заңымызға байланысты кітапхана қорындағы кітаптар, фотоальбомдар және мерзімді басылымдар беттеріндегі мақалалармен танысты. Әскери бөлімнің сарбаздары кітапхана қызметкерлеріне өз алғыстарын білдіре отырып, осындай шаралардың патриоттық тәрбие берудегі маңызы зор екендігін айтып өтті.
