Кітапхана қонақтары
Абай атындағы кітапханаға 21 тамыз күні «Кітапханалық туризм» жобасы аясында Қазақстан Республикасы Астана қаласының Ұлттық Академиялық кітапханасының мамандары келді. Келген меймандар кітапханамызға саяхат жасап, Абайдың рухани орталығын тамашалады. Кітапхананың сирек қорындағы ХҮІІІ ғасырдың аяғы мен ХХ ғасырлардың басында жарық көрген құнды басылымдардың сапалы сақталғанына үлкен таңданыс білдірді.
«Кітапханалық туризм» жобасы – бұл 2014 жылдан ҚР Ұлттық академиялық кітапханасының қызметінде жүзеге асырылып келе жатқан жаңа жоба. Жоба аясында кітапханашылар ел тарихымен, Қазақстанның өңірлері мен алыс аймақтарымен танысып, мәдени деңгейлерін жоғарылатады. Жоба кітапханашылардың қоғамдық және кәсіби өмірінің түрлі жақтарын қамтиды. Еліміздің аймақтарына және ТМД елдеріне іссапар барысында кітапхана мамандары мәдени іс-шаралар өткізіп, әріптестерімен тәжірибе алмасады, Қазақстанның әр алуан аймақтарының тарихымен, сәулет өнерімен және көрікті жерлерімен жете танысып, олардың тәжірибесінен үлгі алады.
Қонақтар Семей шаһарының мәдени-рухани орталықтарымен танысып, іс-сапарларын Абай туған ұлылар мекеніне бағыттады. «Кітапханалық туризм» жобасы аясындағы бұл сапар кітапхана қызметкерлері үшін ұмытылмас әсер сыйлады.
