Мұхтар Әуезовтің өмір эпопеясы: онлайн-конференция

26 қыркүйек күні Абай атындағы облыстық әмбебап кітапханасында «Рухани жаңғыру» бағдарламасы аясында, М.О.Әуезовтың туғанына 120 жыл толуына орай Н.В.Гоголь атындағы Қарағанды облыстық ғылыми әмбебап кітапханасымен «Мұхтар Әуезовтің өмір эпопеясы» атты онлайн-конференция ұйымдастырылып, өткізілді.
Қарағанды облыстық ғылыми әмбебап кітапханасының директоры Д.Б.Аманжолова және Абай атындағы кітапхана директорының орынбасары Г.Ф. Амренова құттытау сөзімен ашты. Шара барысында М.О.Әуезов қазақ әдебиетін және драматургия, ұлттық театр өнерін дамытушы ретінде баға жетпес мұра қалдырғаны туралы айтылды. Жазушылар Одағының және журналистер Одағының мүшесі филология ғылымдарының кандидаты, абайтанушы М.Р.Сұлтанбеков «М.О.Әуезовтың қазақ әдебиетін дамытудағы рөлі» атты баяндама жасады. М.Р.Сұлтанбеков 40-жылдан аса М.О.Әуезовтың шығармашылығы жайлы «Величие таланта Мухтара Ауэзова», «Поэтический вдохновение: Абай, Шакарим, Ауэзов», «Чайки Прииртышья» және т.б. кітаптары жарық көрді.

Абай атындағы кітапхананың қызметкері сирек басылымдардан жасақталған кітап көрмесіне ретро-шолу жасады. Абай атындағы Мемлекеттік тарихи-мәдени және әдеби мемориалдық музей директорының орынбасары М.С.Қайрамбаева М.О.Ауэзов атымен байланысты қаладағы ескерткіштер мен музейлер жайлы мол ақпарат берді. Конференция соңында Қалалық мәдениет және тілдерді дамыту бөлімінің орынбасары Ю.С Пазына Ұлы жазушы жайлы өзінің жүрек жарды пікірін білдіріп, М.О.Әуеэзовке арналған өзінің өлеңін оқыды.

Қарағанды облыстық ғылыми әмбебап кітапханасы атынан филология ғылымдарының кандидаты, «Өрлеу» біліктілікті арттыру ұлттық орталығы оқу-әдістемелік бөлімі директорының орынбасары М.А.Жетписбаева «Абай жолы» роман-эпопеясы – қазақ елі өмірінің энциклопедиясы» атты баяндама оқыды.

Әуезова Разия Ахметқызының естеліктері конференция қатысушыларының қызығушылығын арттырды. Іс-шара «Мәңгілік құндылықтар жаршысы» атты кітап көрмесімен толықтырылып, шолу жасалынды.