Жыр мұхитының жүрдек кемесі: әдеби-сазды кеш
23 қараша күні Абай атындағы кітапханада кеңестік және қазақстандық ақын және жазушы, саяси қайраткі Мұхтар Шахановтың туғанына 75 жыл толуына орай «Жыр мұхитының жүрдек кемесі» тақырыбында әдеби-сазды кеш ұйымдастырылды.
Гуманитарлық-заң және техникалық колледжінің студенттері жазушының өміріндегі қызықты фактілермен танысты. Мұхтар Шаханов Қазақстан және Қырғызстан елдерінің халық жазушысы, Бішкектің құрметті азаматы және халықаралық Калифорния Академиясы индустриясының академигі, АҚШ білім және өнер академигі. Жүргізушілер Мұхтар Шахановтың өзінің балалық шағындағы әкесінің алдында тізерлеп отырып Шыңғыс хан және ежелгі Отырар қаласы туралы айтқан әңгімелерін тыңдағаны жайлы естеліктерін айтып, ақпараттар берді.
Шарада Семей көпсалалы колледжінің кітапхана ісі мамандығы студенттері жазушының көпқырлы шығармашылығына, сонымен қатар, оны қоршаған ортаның шындығына, ақынның өзіне ғана тән ой толғауына аса назар аударып, поэмалары мен өлеңдерінен үзінділер оқыды. Мұхтар Шахановтың санқырлы шығармашылығы «Ғасырдың ғаламат ақыны» тақырыбындағы кітап көрмесінен көрініс тапты.
