Абай кітапханасының қорындағы Жуковский шығармалары: онлайн-шолу

2017 жылдың 24 қарашасында Шығыс Қазақстан облыстық Абай атындағы әмбебап кітапханасының қызметкерлерінің ұйымдастыруымен М.О.Әуезов атындағы колледж студенттеріне арнап Жуковский шығармаларына онлайн-шолу өткізілді. Онлайн әдебиеттер шолуы  «Мәнерлеп оқу және балалар әдебиеті» пәнінің сабағына орайластырылып ұйымдастырылды. Бұндай үрдіс кітапхана ісінде бұрын сонды болған емес. 2016 жылдан бастап кітапхана мен педагогикалық колледж мұғалімі Аралова Айкүміс Нұрахметовнамен бірлесіп «Кітапханамен бірге оқимыз» жобасымен жұмыс жасап келеді. Осы жоба бойынша алдынғы жұмыстарымыз жазушылар жайлы бейне сюджеттер болды. Онлайн-сабақ Василий Андреевич Жуковскийдің өмірі мен шығармашылығына байланысты интервью ретінде өткізілді.

Шара барысында кітапхана қызметкері студенттерді кітахананың сирек қорындағы В.А.Жуковскийдің 1869, 1898, 1902 жылдары шыққан «Шығармала жинағымен» таныстырып, жазушының «Вестник Европы» журналының 1808 жылы редакторы болғандығы, 1802 жылы осы журналда оның алғашқы өлеңі жарияланғандығы туралы ақпарат студенттердің қызығушылығына ие болды. Сондай-ақ, Жуковский орыс тіліне тәржімалаған ежелгі және шет ел әдебиетінің майталмандарының (Гомер, Шиллер, Байрон) шығармаларымен де таныстырып өтті. 1940 жылы шыққан В.А. Жуковскийдің «Өлеңдер» жинағындағы суреттерді автордың өзі салғандығы  жайлы айтып, студенттердің көңілінен шыға білді.